ԵՐԵՎԱՆ, 17 հունիսի — Sputnik. Փառանձեմ Մեյթիխանյանի ամուսնու` Եղիշե Խաչատրյանի սպանության դեպքի առթիվ ՀՀ հատուկ քննչական ծառայությունում քննվող քրեական գործի նախաքննության ընթացքում ձերբակալվել է քաղաքացի Յուրի Հ.-ն՝ մի խումբ անձանց կողմից Եղիշե Խաչատրյանին սպանելու կասկածանքով:
Այս մասին հայտնում է ՀՀ հատուկ քննչական կոմիտեի լրատվական ծառայությունը։
12 հունիսի 2016, 23:51
Ավելի վաղ Եղիշե Խաչատրյանի սպանության մեջ մեղադրվող Արարատ Նիկողոսյանը և Արտաշես Չիչոյանը ներկայացել էին ոստիկանություն։ Նրանք կալանավորված են։
Նշենք, որ Փառանձեմ Մեյթիխանյանն ամուսնու սպանությունից հետո բաց նամակով դիմել է ՀՀ նախագահ Սերժ Սարգսյանին` խնդրելով անմիջական հսկողության տակ վերցնել սպանության քննությունը։
Լրատվամիջոցների տեղեկությունների համաձայն՝ լեզվաբանի ամուսնուն ծեծելու և սպանելու մեջ մեղադրվողներից մեկը գնդապետի որդի է։
