ԵՐԵՎԱՆ, 12 հունիսի — Sputnik. Ոստիկանության Էրեբունու բաժնի կողմից ՀՀ քրեական օրենսգրքի 104 հոդվածի 2-րդ մասի 7-րդ և 10-րդ կետերի մեղադրանքով հետախուզվում էին Երևանի Էրեբունի թաղամասի բնակիչներ՝ 1990 թ. ծնված Արարատ Նիկողոսյանը և 1993 թ. ծնված Արտաշես Չիչոյանը: Այս մասին հայտնում է ՀՀ ոստիկանության մամուլի ծառայությունը:
Ոստիկանության ծառայողների ձեռնարկած օպերատիվ-հետախուզական միջոցառումների և անցկացված բացատրական աշխատանքների արդյունքում` Արարատ Նիկողոսյանը և Արտաշես Չիչոյանը այսօր` հունիսի 12-ի լուսադեմին, ժամը 4-ի սահմաններում, ներկայացել են ոստիկանության Էրեբունու բաժին:
Նշենք, որ սպանվածը հայտնի լեզվաբան Փառանձեմ Մեյթիխանյանի ամուսինն է։ Նա բաց նամակով դիմել է ՀՀ նախագահ Սերժ Սարգսյանին` խնդրելով անմիջական հսկողության տակ վերցնել ամուսնու սպանության քննությունը։
Լրատվամիջոցների տեղեկությունների համաձայն՝ լեզվաբանի ամուսնուն ծեծելու և սպանելու մեջ մեղադրվողներից մեկը գնդապետի որդի է։
