ԵՐԵՎԱՆ, 16 հունիսի — Sputnik. Ռուսաստանը երբեք առճակատում չի փնտրել, հակառակը` հանդես է եկել հավասարազոր երկխոսության օգտին, ասել է Սերգեյ Լավրովը «Ռուսաստան և ԵՄ. ինչ է լինելու չկայացած «ռազմավարական համագործակցությունից» հետո» նստաշրջանում։
Նրա խոսքով` Մոսկվան պատրաստ է լայնածավալ ռազմավարական համագործակցության. «Մենք 5 սկզբունք նկատեցինք, որոնք Ֆեդերիկա Մոգերինին հնչեցրեց Ռուսաստանի հետ փոխհարաբերությունների հետ մոտեցումներում։ Նրանք չեն տալիս «ինչ անել» հարցի պատասխանը։ ԵՄ-ի մոտեցումն է` հնարավորինս սահմանափակել Մոսկվայի հետ փոխգործակցությունը, այդ թվում` էներգետիկայի բնագավառում, միաժամանակ թողնելով իրեն` ԵՄ-ին ձեռնտու ժամանակ մեզ համագործակցության հրավիրելու իրավունքը։ ՌԴ-ի հետ համագործակցությունը կասեցնելու մասին հրահանգների մեծ մասը թելադրվում է օվկիանոսի մյուս կողմից», — նշել է նախարարը։
«Անհրաժեշտ է համագործակցել փոխշահավետ հիմունքներով։ Այսօր հայտ է ներկայացվել` Եվրոպայում Ռուսաստանին տնտեսապես ճնշել և «կարկատել» ՆԱՏՕ-ի համերաշխությունը, որն ընդհանուր թշնամու բացակայության պարագայում չի կարող գոյություն ունենալ։ Մենք չենք վիրավորվելու կամ մեկուսանալու. ԵՄ-ն մեր հարևանն է և կարևորագույն առևտրային գործընկերը։ Մշակույթի, անվտանգության, տնտեսության ոլորտներում բազմազան կապերը համահունչ են Ռուսաստանի և ԵՄ շահերի հետ», — պատմել է Սերգեյ Լավրովը։
Նախարարը նաև ընդգծել է, որ Մինսկի պայմանավորվածությունների վերաշարադրման փորձերն անթույլատրելի են. «Հուսով ենք, որ Արևմուտքը Ուկրաինայի կառավարության հետ դաստիարակչական աշխատանքներ կտանի», — ընդգծել է Լավրովը։
