ԵՐԵՎԱՆ, 13 հունիսի — Sputnik. TripAdvisor- հրապարակած ցանկի առաջին հորիզոնականում Մատենադարանն է։
Այդ պատմական վայրը կարող է գրավել զբոսաշրջիկներին նրանով, որ դա ձեռագիր մատյանների հնագույն պահոցներից է և հին հայկական ձեռագրերի խոշորագույն ինստիտուտը։ Ինստիտուտին կից գործում է թանգարան այցելուների համար։
Երկրորդ տեղում է Ծիծեռնակաբերդի հուշահամալիրը` նվիրված Հայոց ցեղասպանության զոհերի հիշատակին։ Երրորդ տեսարժան վայրը, որն արժանի է ճանապարհորդների ուշադրությանը, Կասկադ համալիրն է, որը գտնվում է Երևանի սրտում։
Երևան այցելող ճանապարհորդները պարտավոր են այցելել նաև Հանրապետության հրապարակ, Հայոց ցեղասպանության թանգարան, Սերգեյ Փարաջանովի անվան թանգարան և Հայաստանի պատմության ազգային թանգարան։ Պարտադիր ծրագրի մեջ է մտնում նաև կենտրոնական հրապարակում երեկոյան զբոսանքը, որտեղ տաք եղանակին շատրվանները երգում են։
Ցուցակը եզրափակում են «Վերնիսաժը» և Ա. Սպենդիարյանի անվան օպերայի և բալետի ազգային ակադեմիական թատրոնը։
Հետաքրքիր վայրերի ցուցակում ընդգրկված են նաև Երևանի կոնյակի գործարանը, Սիրահարների այգին, Հաղթանակի զբոսայգին և «Մայր Հայաստան» համալիրը, Հայաստանի ազգային պատկերասրահը, Շառլ Ազնավուրի հրապարակը և մի շարք այլ տեսարժան վայրեր։
