ԵՐԵՎԱՆ, 9 հունիսի — Sputnik. Շախմատի Հայաստանի տղամարդկանց հավաքականի առաջատար Լևոն Արոնյանը մասնակցում է Փարիզում անցկացվող շախմատային խոշոր մրցաշարի, հայտնում է ՀԱՕԿ լրատվության բաժինը:
Մրցաշարին մասնակցում են նաև Մագնուս Կարլսենը, Ֆաբիանո Կարուանան, Վլադիմիր Կրամնիկը, Մաքսիմ Վաշիե-Լագրավը, Հիկարու Նակամուրան, Անիշ Գիրին, Ուեսլի Սոն, Վեսելին Թոփալովը և Լորան Ֆրեսինեն:
Մրցաշարն անցկացվելու է արագ և կայծակնային շախմատի կանոններով: Հունիսի 9-ին և 10-ին խաղարկվելու են արագ շախմատի պարտիաները, իսկ 11-ին և 12-ին կայծակնային պարտիաները:
