Անձրև, կարկուտ և օդի ջերմաստիճանի անկում Հայաստանում

ԵՐԵՎԱՆ, 8 հունիսի — Sputnik. Հանրապետության ողջ տարածքում հունիսի 8-9-ը ժամանակ առ ժամանակ սպասվում է կարճատև անձրև և ամպրոպ, առանձին հատվածներում հնարավոր է կարկուտ, հայտնում են ՀՀ ԱԻՆ-ից:

Հունիսի 11-ին հյուսիսային շրջաններում, 10-ին և 12-ին` շրջանների զգալի մասում կեսօրից հետո և գիշերվա առաջին կեսին սպասվում է կարճատև անձրև և ամպրոպ, առանձին հատվածներում հնարավոր է կարկուտ:

Քամին կլինի հարավ-արևմտյան՝ 2-7 մ/վ արագությամբ, ամպրոպի ժամանակ հնարավոր է քամու ուժգնացում‵ 20-25 մ/վ:

Օդի ջերմաստիճանը հունիսի 8-ին կնվազի 4-5 աստիճանով, 9-11-ին աստիճանաբար կբարձրանա 2-4 աստիճանով:

Երևանում հունիսի 8-9-ը ժամանակ առ ժամանակ, 10-ին 12-ին՝ երեկոյան ժամերին և գիշերվա առաջին կեսին սպասվում է անձրև և ամպրոպ, առանձին հատվածներում հնարավոր է կարկուտ, ամպրոպի ժամանակ սպասվում է քամու ուժգնացում‵ 15-20 մ/վ արագությամբ:

Հունիսի 11-ի երեկոյան ժամերին սպասվում է ամպրոպ, անձրևի հավանականությունը փոքր է:

Հունիսի 8-ին Երևանում ցերեկը կլինի 24-26, գիշերը` 13-15 աստիճան տաքություն։