ԵՐԵՎԱՆ, 7 հունիսի — Sputnik. Sputnik.Կարծիք հարցախույզի տվյալներով` ամերիկացիների ճնշող մեծամասնությունը` 68%-ը, կարծում է, որ ԱՄՆ-ն պետք է մասամբ կամ ամբողջությամբ դադարեցնի աջակցությունը Սաուդյան Արաբիային, մինչև երկիրը չապացուցի, որ չի ֆինանսավորում ահաբեկչական խմբավորումներին։ Հարցախույզն անցկացրել է բրիտանական Populus ընկերությունը` Sputnik տեղեկատվական գործակալության և ռադիոյի պատվերով։
ԱՄՆ-ի բնակիչներին առաջարկել են հիշել Հիլարի Քլինթոնի գրությունը, որտեղ գրված էր, որ Սաուդյան Արաբիան «ողջ աշխարհում սունիթական ահաբեկչական խմբավորումների ֆինանսավորման ամենամեծ աղբյուրն է»։ Այնուհետև հարցման մասնակիցներին խնդրել են կարծիք հայտնել այն մասին, թե ինչ քաղաքականություն պետք է վարի ԱՄՆ-ն Սաուդյան Արաբիայի նկատմամբ։ Ամերիկացիների 12%-ն ասել է, որ նրանք պետք է աջակցեն Սաուդյան Արաբիային, քանի որ դաշնակից երկիր է, իսկ 20%-ն ընտրել են «չգիտեմ» պատասխանը։
Populus հետազոտական ընկերությունը հարցախույզն անցկացրել է ԱՄՆ-ում, 2016թ.-ի մարտին։ Մասնակցել է 1003 մարդ։ Ընտրանքն իրականացվել է ըստ հարցվածների սեռի, տարիքի և բնակության վայրի։ Տվյալների վստահության միջակայքը տատանվում է +/- 3,1%-ի սահմաններում` 95% վստահության հավանականության դեպքում:
Հասարակական կարծիքի ուսումնասիրման միջազգային նախագիծը մեկնարկել է 2015 թվականի հունվարին։ Գործընկերն են Populus, Ifop և Forsa հայտնի հետազոտական ընկերությունները։ Sputnik.Կարծիք նախագծի շրջանակում կանոնավոր կերպով հասարակական կարծիքի հարցումներ են անցկացվում Եվրոպայի և ԱՄՆ-ի երկրներում առավել արդիական սոցիալական և քաղաքական հարցերի վերաբերյալ։
Sputnik-ը (sputniknews.com) լրատվական գործակալություն է և ռադիո` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով:
