ԵՐԵՎԱՆ, 31 մայիսի — Sputnik. Բնությունը հայերին պարգևել է մուգ գույնի վարսեր։ Սակայն հին ժամանակներում շատ հայեր խարտյաշ էին ու բաց աչքեր ունեին, ինչը հաստատում են պատմաբանները։
Որքան էլ զարմանալի է, շիկահերների օրը նշելու գաղափարն առաջացել է իրավաբանների շրջանում։ Հենց Ամերիկայի իրավաբանների միությունն է 2001 թվականին առաջարկել նշել «Շիկահերների ազգային օրը»։ Այնուհետև գաղափարին միացել է ամբողջ աշխարհը, և այժմ հենց մայիսի 31-ն է նշվում որպես «Շիկահերների համաշխարհային օր»։ծ
Այդ օրն ի սկզբանե տոնում էին` աշխարհին ապացուցելու, որ շիկահերների մասին առասպելը զուտ հասարակական կարծրատիպ է։
Ամբողջ աշխարհի կանայք հատուկ իրենց մազերը բաց գույն են ներկում` կարծելով, որ դա նրանց ավելի գրավիչ և հաջողակ կդարձնի։
Sputnik Արմենիան ներկայացնում է հայտնի հայ շիկահերներին` անկախ նրանից` դա նրանց մազերի բնական գույնն է, թե ոչ։
