ԵՐԵՎԱՆ, 31 մայիսի — Sputnik. Մայիսի 30-ին, ժամը 18.15-ին, ոստիկանության Երևան քաղաքի վարչության գրպանահատության դեմ պայքարի բաժանմունքի ծառայողները Երևանի Կոմիտասի պողոտայի և Վաղարշյան փողոցի խաչմերուկի մոտից բերման են ենթարկել 1991թ.-ին ծնված Արմեն Հ.-ին:
Ինչպես հայտնում է ոստիկանության մամուլի ծառայությունը, երիտասարդը թիվ 37 երթուղու ավտոբուսում 1960թ.-ին ծնված Վարդան Ս.-ի գրպանից գողացել էր դրամապանակը՝ գումարով, բանկային քարտով և փաստաթղթերով, իսկ երբ ավտոբուսից իջել ու փորձել էր հեռանալ՝ բռնվել էր ոստիկանության ծառայողների կողմից:
Գողոնն առգրավված է: Կատարվում է հետաքննություն:
