ԵՐԵՎԱՆ, 31 մայիսի- Sputnik. «ՅՈՒՏէյր» ավիաընկերությունը (MOEX: UTAR) ՌԴ Ռուսաստանի մի քանի քաղաքների և Երևանի միջև կանոնավոր ավիափոխադրող է նշանակվել։ Այս մասին հայտնում է Ռոսավիացիան։ Այսպես, «ՅՈՒՏէյրը» շաբաթական երեք անգամ դեպի Երևան թռիչքներ կիրականացնի Սոչի, Դոնի Ռոստով և Մինվոդի քաղաքներից, շաբաթական յոթ անգամ` Կրասնոդարից։
«ՅՈՒՏէյր» ավիաընկերությունն ընդգրկված է համանուն խմբում, որում ներառված են նաև ուղղաթիռային փոխադրումներ կատարող, օդանավերի վերանորոգում և տեխնիկական սպասարկումն իրականացնող ձեռնարկություններ։
«ՅՈՒՏէյրի» հիմական բաժնետերերն են «ԱԿ-ինվեստ» ԲԲԸ-ն (50,004 %), Խանտի Մանսիյսկի ինքնավար շրջանը (38,83%) և Տյումենի մարզը (8,44%)։
Ավիաընկերության գլխավոր ներկայացուցչությունը «Վնուկովո» օդանավակայանն է։ Մայիսի սկզբին «ՅՈՒՏէյրի» պարկը համալրված է եղել ավելի քան 70 օդանավով։
