ԵՐԵՎԱՆ, 27 մայիսի- Sputnik. ՀԱՊԿ անդամները պայմանավորվածություն են ձեռք բերել միջազգային ահաբեկչությանը և ծայրահեղականությանը հակազդելու մասին համաձայնագրի ստորագրման շուրջ, հաղորդվում է կազմակերպության կայքում:
Ռուսաստանի ՆԳՆ առաջարկով` խորհրդակցության ընթացքում պայմանավորվածություն է ձեռք բերվել ՀԱՊԿ անդամ երկրների հավաքական անվտանգությանը սպառնացող նոր քրեական մարտահրավերներին հակազդելու մասին համաձայնագիր նախապատրաստելու և ստորագրելու մասին: Դրանց թվում են՝ ահաբեկչությունը, միջազգային հանցավորությունը, նարկոհանցավորությունը, թրաֆիքինգը, զանգվածային անկարգությունները և այլ գործողություններ, որոնք սպառնում են քաղաքացիների անվտանգությունը: Օրակարգի քննարկման ընթացքում ընդգծվել է ՀԱՊԿ անդամ երկրների ջանքերի միավորման անհրաժեշտությունը և համագործակցության զարգացումն ահաբեկչության, թմրանյութերի սպառնալիքի, կազմավորված հանցավորության դեմ պայքարում:
