ԵՐԵՎԱՆ, 26 մայիսի — Sputnik. Հանրապետության տարածքին մոտեցող ցիկլոնի հետևանքով մայիսի 28-30-ին Հայաստանում կհաստատվի եղանակի խիստ անկայուն ռեժիմ, գրել է ՀՀ ԱԻՆ «Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանը Ֆեյսբուքի իր էջում։
«Հատկապես կեսօրից հետո և գիշերը շրջանների մեծ մասում կլինեն ամպրոպային բնույթի հորդառատ անձրևներ, առանձին հատվածներում նաև՝ կարկուտ, իսկ ամպրոպների ժամանակ պետք է սպասել քամու ուժգնացման՝ 20-25մ/վրկ»,- նշել է Սուրենյանը:
Նրա խոսքով` որոշ շրջաններում կարկուտ կտեղա։
Մայիսի 23-ին եղանակը Հայաստանում կտրուկ փոխվեց. ուժեղ քամին փողոցներից «քշեց-տարավ» մարդկանց, պոկեց տանիքներն ու անգամ ծառեր տապալեց։ Այդ օրը քամու արագությունը 25 մ/վրկ էր։
