ԵՐԵՎԱՆ, 24 մայիսի-Sputnik. Լրագրող Նունե Սիմոնյանի հայցով դատական հերթական նիստի ընթացքում գործում նոր ներկայացուցիչ ընդգրկվեց։ Գործի նյութերին ծանոթանալու միջնորդություն ներկայացվեց պատասխանող կողմից, դատարանը բավարարեց միջնորդությունը։ Հաջորդ նիստը նշանակվեց հունիսի 17-ին։
Նշենք, որ «ԱՐ» հեռուստաընկերության նախկին աշխատակից Նունե Սիմոնյանը դատական հայց է ներկայացրել նախկին գործատուի դեմ` պահանջելով վերականգնել իրեն նախկին աշխատանքում ու վճարել հարկադիր պարապուրդի դիմաց:
Ըստ դատարանում ներկայացված նյութերի` «ԱՐ» հեռուստաընկերության սեփականատերը 2014 թվականի փետրվարին Նունե Սիմոնյանին` որպես լավագույն աշխատողի, 8 միլիոն ՀՀ դրամի փոխառություն է տրամադրել «Գրանդ Հոլդինգի» կազմի մեջ մտնող «Հոնդա սերվիս» ընկերությունից ավտոմեքենա ձեռք բերելու համար:
Մեկ տարի անց, սակայն, սեփականատերը պահանջել է վերադարձնել ավտոմեքենան, հրաժարվել դրա դիմաց իր աշխատավարձից ամեն ամիս վճարված ընդհանուր 2.5 մլն դրամից և աշխատանքից ազատվելու դիմում գրել։
