ԵՐԵՎԱՆ, 24 մայիսի — Sputnik. Facebook ընկերության հիմնադիր Մարկ Ցուկերբերգը պնդում է, որ հարևան չորս տները պետք է քանդել, քանի որ փակում են Պալո-Ալտոյում գտնվող իր առանձնատան տեսադաշտը, հայտնում է ՌԻԱ Նովոստին` հղում անելով Fox News ամերիկյան հեռուստաընկերությանը։
32-ամյա միլիարդատերը պատրաստ է դրանց փոխարեն չորս նոր տուն կառուցել, որոնց ընդհանուր մակերեսն անհամեմատ փոքր կլինի։
Թե այդ փոփոխություններն ինչքան կարժենան սոցցանցի հիմնադրի համար, հեռուստաընկերությունը չի նշել, սակայն հայտնի է, որ 2013 թվականին Ցուկերբերգն ավելի քան 30 մլն դոլար էր ծախսել այդ տները գնելու համար։ Տունը գնելու պահին էլ իմացել էր, որ այդ տարածքում ևս մի քանի շինություն է կառուցվելու` Ցուկերբերգների անցուդարձը հետևելու նպատակով։
Fox News նշում է, որ 464.5 քմ մակերես ունեցող առանձնատունը ընդամենը 7 մլն դոլար է արժեցել։
Մարկ Ցուկերբերգը հիմնադրել է Facebook ընկերությունը 2004 թվականի փետրվարի 4-ին Հարվարդի համակուրսեցիներից երեքի հետ։ Facebook-ը տասնամյակների ընթացքում ուսանողական փոքր ցանցից վերածվել է գլոբալ սոցիալական ցանցի, որից օրական 1.6 մլրդ մարդ է օգտվում։
