ԵՐԵՎԱՆ, 23 մայիսի — Sputnik. Հայաստանի արտգործնախարար Էդվարդ Նալբանդյանը երկուշաբթի կմեկնի Բրյուսել, տեղեկացնում է ՀՀ ԱԳ նախարարության մամուլի, տեղեկատվության և հասարակայնության հետ կապի վարչությունը։
ԱԳ նախարարը կմասնակցի Եվրոպական միության և Արևելյան գործընկերության երկրների ԱԳ նախարարների հանդիպմանը։
«Արևելյան գործընկերություն» ծրագիրը Եվրամիության նախագիծն է, որն ուղղված է ԵՄ երկրների տնտեսական ու քաղաքական ինտեգրմանը Վրաստանի, Մոլդովայի, Ուկրաինայի, Հայաստանի, Ադրբեջանի, Բելառուսի հետ, միևնույն ժամանակ այն չի նախատեսում կառույցին անդամակցություն։
