ԵՐԵՎԱՆ, 22 մայիսի — Sputnik. Թուրքիայի իշխող կուսակցության նախագահ է ընտրվել Բինալի Յըլդըրըմը, ում առաջիկայում կվստահվի նաև կառավարության ղեկավարի պաշտոնը:
Թուրքիայի իշխող «Արդարություն և զարգացում» կուսակցության արտահերթ համագումարում կուսակցության նախագահ է ընտրվել այդ պաշտոնին հավակնող միակ թեկնածուն` տրանսպորտի և հաղորդակցության գործող նախարար Բինալի Յըլդըրըմը: Թուրքիայում իշխող կուսակցության նախագահն է զբաղեցնում երկրի վարչապետի պաշտոնը, ուստի առաջիկայում ենթադրվում է, որ Էրդողանը հենց նրան նոր կառավարություն ձևավորվելու լիազորություն կտա, հատկապես, որ վերջինը կիսում է նախագահական կառավարման համակարգին անցնելու Էրդողանի տեսակետը:
«Ես հայտարարում եմ, որ դրանք կշարունակվեն այնքան, մինչև չապահովվի մեր ժողովրդի լիարժեք անվտանգությունը, մինչև վերջ չունենան մեր քաղաքացիների վրա հարձակումները»,- ասել է Յըլդըրըմը:
Թուրքիայի վարչապետ Ահմեթ Դավութօղլուն իր հրաժարականի մասին հայտարարել էր մայիսի 5-ին: Վերջին շրջանում խոսվում էր Թուրքիայի նախագահի և վարչապետի հարաբերությունների լարված լինելու մասին, քանի որ Դավութօղլուն չէր աջակցում Էրդողանի՝ նախագահական կառավարման համակարգին անցնելու ծրագրերին:
