ԵՐԵՎԱՆ, 16 մայիսի — Sputnik. Ինչպես հայտնում է ՀՀ ոստիկանության մամուլի ծառայությունը, բուժօգնության են դիմել 25 տարեկան Սուրիկ Հ.-ն` «որովայնի թափանցող վերք, ստամոքսի վնասվածք» ախտորոշմամբ, 22 տարեկան Լյուդվիգ Գ.-ն` «կրծքավանդակի աջ կեսի չթափանցող կույր վերք» ախտորոշմամբ և «կրծքավանդակի ձախ հատվածի թափանցող վերք» ախտորոշմամբ` 24 տարեկան Սամվել Հովակիմյանը, ով հիվանդանոցում, գիտակցության չգալով, մահացել է:
Նույն օրը ոստիկանություն հաղորդում է ստացվել, որ ժամը 23:55-ին «որովայնի շրջանում դանակահարված վերք» ախտորոշմամբ հիվանդանոց է դիմել 25 տարեկան Էդգար Բ.-ն, այնուհետև հաղորդում է ստացվել, որ մայիսի 16-ին, ժամը 01.30-ին «գլխի պատռված, նստատեղի ծակած կտրած վերքեր» ախտորոշմամբ բուժօգնության է դիմել նաև 30 տարեկան Արթուր Բ.-ն:
Պարզվել է, որ Էդգար Բ.-ն և Արթուր Բ.-ն մարմնական վնասվածքները ստացել են մայիսի 15-ին, ժամը 23-ի սահմաններում, Եղեգնաձոր քաղաքի Երևանյան խճուղու ճամփեզրին գտնվող նախկին ավտոկայանի տարածքում, վիճաբանության ժամանակ, որին մասնակից են եղել նաև Սուրիկ Հ.-ն, Լյուդվիգ Գ.-ն, 1971 թ. ծնված Հովիկ Հ.-ն և Սամվել Հովակիմյանը:
Հովիկ Հ.-ն ստացել է աջ ազդրի կտրած վերք, սակայն հիվանդանոց չի դիմել:
Հանգամանքները պարզվում են:
Կատարվում է քննություն:
