ԵՐԵՎԱՆ, 13 մայիսի — Sputnik. Ավետիսյանների սպանության գործով Գյումրիում մայիսի 13-ին ընթացող դատական նիստում ընթերցվեցին Վալերի Պերմյակովի ծառայակիցների ցուցմունքները, հաղորդում է Sputnik Արմենիայի թղթակիցը։
Նիստի սկզբում դատարանում ընթերցվեցին Պերմյակովի ծառայակիցների գտնվելու վայրի վերաբերյալ հայտարարություններ։
Ռազմակայանից ստացված հայտարարության համաձայն` Ռոման Մալցովը չի եղել բնակության հասցեում, իսկ Անդրեյ Նիկիշինը և Դենիս Տարասովն անձամբ հայտարարություն էին ուղարկել, որ ընտանեկան հանգամանքներից ելնելով` չեն կարող ներկա գտնվել Գյումրիում ընթացող դատավարությանը և համաձայն են, որ դահլիճում ընթերցվեն իրենց նախաքննական ցուցմունքները։
Պերմյակովի անմիջական հրամանատար, ավագ լեյտենանտ Նիկիշինը ևս իր ցուցմունքում նշել էր, որ Պերմյակովը ոչնչով չի տարբերվել իր ծառայակից ընկերներից։
«Նույնիսկ ոչ մի խնդրանքով կամ բողոքով չի դիմել ինձ։ Ծառայության ընթացքում կարգապահական վարույթ նրա նկատմամբ չի հարուցվել, մեկուսարանում չի նստել, ստացիոնար բուժման չի ենթարկվել»,- նշված է Նիկիշի նախաքննական ցուցմունքում։
Դատական նիստը շարունակվում է։
