ԵՐԵՎԱՆ, 12 մայիսի — Sputnik. Ականավոր գիտնական, ֆիզիկոս, Հայաստանի գիտության վաստակավոր գործիչ Սերգեյ Համբարձումյանը դարձել է «Համագործակցության աստղ» միջազգային մրցույթի դափնեկիր, ասվում է ԱՊՀ երկրների հումանիտար համագործակցության միջազգային հիմնադրամի կայքում։
Մրցույթի խորհուրդը հայ գիտնականին պարգևատրել է հումանիտար գործունեության ոլորտում նշանակալի հաջողությունների համար, որոնք նպաստում են ինչպես Հայաստանի, այնպես էլ ԱՊՀ-ի զարգացմանը։ Մրցանակի չափը կազմում է 2 միլիոն ռուբլի։
Դափնեկիրների պարգևատրման հանդիսավոր արարողությունը տեղի կունենա հունիսի 11-ին Մինսկում։
Սերգեյ Համբարձումյանը Հայաստանի գիտությունների ակադեմիայի թղթակից անդամ է, Ռուսաստանի Գիտությունների Ակադեմիայի արտասահմանյան անդամ և Տիեզերագնացության Ակադեմիայի ակադեմիկոս: Աշխատել է նաև որպես ԵՊՀ ռեկտոր: Անվանի մեխանիկն արժանացել է 6 շքանշանի, և բազմաթիվ մեդալների: Սերգեյ Համբարձումյանին շնորհվել է Երևանի պատվավոր քաղաքացու կոչում:
