ԵՐԵՎԱՆ, 12 մայիսի — Sputnik. Էլեկտրոնիկան պատրաստված է կերամիկայի մի քանի շերտից և մոլիբդենից։ Այն թույլ է տալիս չափել օրգանիզմի ցուցանիշները և որոշ ժամանակ անց ձուլվում է։
Իմպլանտներն արդեն փորձարկել են առնետների վրա։
Տեխնոլոգիայի հեղինակներից մեկը` նյարդաբանության պրոֆեսոր Բրայան Լիտը, պնդում է, որ լուծվող սիլիկոնային էլեկտրոնիկան թույլ է տալիս օրգանների վիճակին հետևող ժամանակակից համակարգեր իմպլանտավորել ուղեղում։
«Իմպլանտների գինը բարձր չէ, ռիսկերը ցածր են, անհարմարությունը նվազագույնի է հասցված, բացի այդ` էլեկտրոնիկան հանելու կարիք չկա»,- ասել է նա։
Իմպլանտները թույլ են տալիս ֆիքսել այն պարամետրերը, որոնք կարևոր են էպիլեպսիայի, Պարկինսոնի հիվանդության, դեպրեսիայի, պերիֆերիկ նյարդային համակարգի խանգարումների ախտորոշման և բուժման գործում։
