ԵՐԵՎԱՆ, 6 մայիսի — Sputnik. «Կալաշնիկով» հայտնի կոնցեռնը մտադիր է սեփական ապրանքանիշի հագուստ և պարագաներ արտադրել, այդ մասին «Իզվեստիա» թերթին հայտնել է ընկերության մարքեթինգի գծով տնօրեն Վլադիմիր Դմիտրիևը, հայտնում է ՌԻԱ Նովոստին:
Մինչև տարվա վերջ Ռուսաստանի տարբեր քաղաքներում 60 ֆիրմային խանութ կբացվի, որտեղ զենքից բացի` կոնցեռնի այլ արտադրանքը կներկայացվի:
Հագուստի շարքի շնորհանդեսը տեղի կունենա «Բանակ-2016» համաժողովի ժամանակ։
«Կալաշնիկովը» Ռուսաստանում զենք արտադրող խոշոր ընկերություն է, որի արտադրանքն արտահանվում է ավելի քան 27 երկիր։
