ԵՐԵՎԱՆ, 28 ապրիլի- Sputnik. Polymetal International plc-ն ավարտել է Dundee Precious Metals Inc-ից «Dundee Precious Metals Kapan» (DPMK) փակ բաժնետիրական ընկերության ձեռք բերման գործարքը, որին պատկանում էր Հայաստանի Կապանի ոսկու հանքավայրի շահագործման արտոնագիրը, ասվում է Polymetal-ի հաղորդագրությունում։
DPMK բաժնետոմսերի համար վճարված պարգևատրման գումարը կազմել է 25 մլն դոլար։ Այդ թվում` 10 մլն դոլարը կանխիկ, իսկ 15 մլն դոլարը` Polymetal-ի 1 միլիոն 481,785 հազար նոր բաժնետոմսերի թողարկման հաշվին (10,12-ական դոլար մեկ բաժնետոմսի համար)։ Բացի այդ` Dundee-ն կստանա 2 տոկոս ռոյալթի Կապանի հանքավայրի ապագա արտադրության մաքուր եկամտից (NSR), որի գումարը չի գերազանցի 25 մլն դոլարը։
Գործարքի ավարտը կախված էր կարգավորող մարմինների համապատասխան թույլտվությունները ստանալուց, այդ թվում` Հայաստանի հակամենաշնորհային հանձնաժողովի։ Polymetal-ը նախատեսում է հայտարարել հանքավայրի կարճաժամկետ և երկարաժամկետ ծրագրերի մասին 2016թ.-ի երկրորդ կեսին։
Կապանի ոսկու հանքավայրի ենթադրյալ ռեսուրսները, 2014 թ. դեկտեմբերի 31-ի դրությամբ, կանադական ստանդարտներով գնահատվել են 15,9 միլիոն տոննա հանքաքար, 1,4 միլիոն ունցիա ոսկի, 24 միլոն ունցիա արծաթ, 80 հազար տոննա պղինձ ու 270 հազար տոննա ցինկ, կամ 2,6 միլիոն ունցիա ոսկու խառնուրդ՝ 1 տոննայում 5,1 գրամ միջին պարունակությամբ:
