ԵՐԵՎԱՆ, 25 ապրիլի — Sputnik. Հայտնի հեռուստաաստղ Քիմ Քարդաշյանը Հայոց ցեղասպանության զոհերի հիշատակի օրվա առիթով գրառում է կատարել Ֆեյսբուքի իր էջում։
«Չեմ կարողանում հավատալ, որ արդեն մեկ տարի է անցել, երբ ազգականներս` Քլոեն, Քանյեն, Նորթն ու ես այցելեցինք Հայաստան, և ես այնքան բան իմացա իմ ընտանիքի պատմության մասին»- գրել է նա։
Քարդաշյանը գրել է, որ այսօր նշվում է Հայոց ցեղասպանության 101-րդ տարելիցը։ Մոտ 1,5 մլն հայ է սպանվել Օսմանյան կայսրության կողմից։
XX դարի սկզբին Օսմանյան կայսրությունում ավելի քան 1.5 մլն հայ սպանվեց։ Թուրքիան ավանդաբար մերժում է հայերի մեղադրանքները ցեղասպանության իրագործման հարցում և այս հարցի վերաբերյալ քննադատությունն արևմուտքի կողմից բավական ցավագին է ընդունում։
Առաջինը Օսմանյան կայսրությունում Հայոց ցեղասպանությունը 1965 թվականին ճանաչեց Ուրուգվայը, որի օրինակին հետևեցին Ֆրանսիան, Իտալիան, Գերմանիան, Հոլանդիան, Բելգիան, Լեհաստանը, Լիտվան, Սլովակիան, Շվեդիան, Շվեյցարիան, Հունաստանը, Կիպրոսը, Լիբանանը, Կանադան, Վենեսուելան, Արգենտինան, Բրազիլիան, Չիլին, Վատիկանը, Բոլիվիան, Չեխիան, Ավստրիան, Լյուքսեմբուրգը։
ԱՄՆ 50 նահանգներից 44-ը պաշտոնապես ճանաչել և դատապարտել է Հայոց ցեղասպանությունը, ինչպես նաև ապրիլի 24-ը հայտարարել Հայոց ցեղասպանության զոհերի հիշատակի օր։
