ԵՐԵՎԱՆ, 22 սեպտեմբերի– Sputnik. Vogue ամսագիրը որոշել է իր ընթերցողներին ներկայացնել Հայաստանի ուղեցույցը` հիմք վերցնելով Քիմ Քարդաշյանի այցը։ Պատճառ է դարձել «Քարդաշյանների ընտանիքի» ռեալիթի շոուի (Keeping Up with the Kardashians) եթերում Հայաստանի մասին դրվագի թողարկումը։
Ամերիկյան բարձրաշխարհիկ հասարակության ներկայացուցիչ, ռեալիթի շոուի աստղ, դերասանուհի, հայազգի ֆոտոմոդել Քիմ Քարդաշյանը Երևան էր ժամանել 2015թ.–ի ապրիլի սկզբին ամուսնու` հայտնի ռեփեր Քանյե Ուեսթի, դստեր` Նորթի և քրոջ` Քլոեի հետ։ Թեև նրանք Հայաստան էին այցելել մի քանի ամիս առաջ, սակայն այդ այցի շուրջ կրքերը դեռ չեն մարել, ավելին` դրանք կարծես նոր թափ են ստանում։
Ամսագիրը նշում է, որ Քարդաշյան–Ուեսթ ընտանիքի ուղևորության առիթ էր դարձել Հայոց ցեղասպանության 100–րդ տարելիցը։ Երևանում նկարահանվում էր «Քարդաշյանների ընտանիքը» ռեալիթի շոուի հերթական մասը` նվիրված Քիմի հայկական արմատներին։
Հենց Քիմ Քարդաշյանի «հայկական երթուղին» հաշվի առնելով` Vogue–ը ներկայացրել է այն վայրերի ընտրանին, որոնք պետք է տեսնի Հայաստան այցելող զբոսաշրջիկը։
«Ձեզ չի դիմավորի հեկեկացող երկրպագուների բազմությունը, և դուք չեք կարողանա ճաշել վարչապետի հետ, բայց դուք կարող եք այցելել յոթ հիմնական վայրեր, որոնք մատչելի են հասարակ զբոսաշրջիկներին»,– նշել են հոդվածի հեղինակները։
Ցուցակում առաջինը նշվում է «Մայր Հայաստան» հուշահամալիրը, որը մարմնավորում է կնոջ ուժը, և որի ֆոնին լուսանկարվել են Քլոեն, Քիմն ու նրանց զարմուհիները։
Այնուհետև զբոսաշրջիկներին առաջարկում են այցելել Արմենիա Marriott հյուրանոց, որն անչափ տպավորիչ է իր կամարաձև պատուհաններով և հայկական վարդագույն տուֆով երեսպատված ճակատով։ Կառավարության շենքով, Ազգային պատկերասրահով, Պատմության թանգարանով և կանաչ այգով շրջապատված հենց այդ հյուրանոցում էին իջևանել Քիմը, Քանյեն, Նորթն ու Քլոեն։
Ամսագիրն առաջարկում է զբոսաշրջիկներին այցելել Լիբանանյան պանդոկ, որտեղ ճաշել են Քիմը, Քլոեն և նրանց ուղեկցողները, ինչպես նաև` Dolmama ռեստորան, որը քաղաքի ամենահայտնի ռեստորաններից է։
Զբոսաշրջիկներին առաջարկում են այցելել «Մեգերյան կարպետներ» ձեռագործ գորգերի թանգարան, որտեղ Քարդաշյանի համար երեկույթ է կազմակերպվել։ «Մեգերյան կարպետները» Հայաստանի ամենահայտնի գորգագործական ձեռնարկություններից է, հիմնվել է 1917թ.–ին, որտեղ ստեղծվում են ձեռագործ գորգեր` գեղեցիկ զարդանախշերով։
Քարդաշյանն ամուսնու` Քանյե Ուեսթի հետ, ներկա էր եղել Հայոց ցեղասպանության 100–րդ տարելիցին նվիրված միջոցառումներին։
Vogue–ն այցի ամենագլխավոր կետն անվանել է Կարապի լիճը։ Հենց Կարապի լճի ափին էր, որ Քանյե Ուեսթը որոշեց անվճար համերգ տալ, ու այդ համերգի ժամանակ նետվեց ջուրն ու ապշահար արեց բոլորին` շատ ազդեցիկ ավարտելով իր ելույթը։
Vogue ամսագիրը ներկայացրել է Հայաստանի ուղեցույցը` հիմք ընդունելով Քիմ Քարդաշյանի այցը
18:21 22.09.2015 (Թարմացված է: 18:28 22.09.2015)
© Sputnik / Asatur Yesayants
Բաժանորդագրվել
Ամերիկյան բարձրաշխարհիկ հասարակության ներկայացուցիչ, ռեալիթի շոուի աստղ, դերասանուհի, հայազգի ֆոտոմոդել Քիմ Քարդաշյանը Երևան էր ժամանել 2015թ.–ի ապրիլի սկզբին ամուսնու` հայտնի ռեփեր Քանյե Ուեսթի, դստեր` Նորթի և քրոջ` Քլոեի հետ
