ԵՐԵՎԱՆ, 24 ապրիլի — Sputnik. Հայաստանի ոստիկանապետ Վլադիմիր Գասպարյանը Ծիծեռնակաբերդի հուշահամալիր այցելության ժամանակ աչքի ընկավ ԶԼՄ-ների հետ իր ոչ հաճելի պահվածքով:
Ամեն ինչ շատ նորմալ էր, հարց հնչեց ոստիկանների և զինվորականների զինվածության մակարդակի մասին, ինչին ի պատասխան` Գասպարյանն ասաց, որ «հայ զինվորը սպառազինության հետ կապված խնդիր չունի և չի ունեցել»:
«Ինչ-որ տեղ առավելություններ կան, ինչ-որ տեղ թերություններ: Սա չի խանգարում ոչ պատերազմ վարելուն, ոչ էլ առաջ գնալուն,- ասաց նա:
Ամենակարևորը` մենք ոգի ունենք, դրանում մենք բոլորս համոզվեցինք: Սակայն այդ ոգու հետ մեկտեղ մենք ներքին խժդժություններ ունենք, որոնք չեն սազում մեր ժողովրդին: Եվ երբեմն երկրի համար ճակատագրական որոշումներ են կայացվում, անհրաժեշտ է պահպանել խաղաղությունը», — ասաց Գասպարյանը:
Նրա խոսքով` վերջերս Ոստիկանության գործելաոճը զգալիորեն փոխվել է:
Ցույցերից մեկի ժամանակ ԶԼՄ-ների ներկայացուցիչներից մեկին ձերբակալելու մասին հարցին պատասխանելով` ոստիկանապետն ասաց, որ որոշ դեմքեր զանգվածային միջոցառումների ժամանակ իրենց լրագրողների տեղ են դնում, ինչի հետևանքով նման թյուրիմացություններ են լինում:
«Բարեփոխվեք, սիրելիներս, դուք շատ հին եք մնացել: Դուք դեղնում եք, կորցնում ձեր գույնը», — ասաց Գասպարյանը լրագրողներին:
