ԵՐԵՎԱՆ, 2 փետրվարի — Sputnik. Համակարգում մշտապես բարեփոխումներ են ընթանում,- Sputnik Արմենիային ասաց Ոստիկանության լրատվության վարչության պետ Աշոտ Ահարոնյանը։
Հայաստանի ոստիկանապետ Վլադիմիր Գասպարյանի հրամանով՝ Ոստիկանության անձնագրային և վիզաների վարչության Մաշտոցի անձնագրային բաժանմունքի պետն ու ամբողջ աշխատակազմը հեռացվել են աշխատանքից։
Բացի այս, ՀՀ ոստիկանապետ Վլադիմիր Գասպարյանը նաև 4 բարձրաստիճան ոստիկանի է պաշտոնանկ արել։ Նրա հրամանով` մարտի 2-ին աշխատանքից ազատվել են ոստիկանության Արագածոտնի մարզային վարչության պետ Գրիգոր Գրիգորյանը, Շիրակի մարզային վարչության պետ Գրիշա Ամիրխանյանը և Կոտայքի մարզային վարչության պետ Սերոբ Հարությունյանը:
Աշխատանքից ազատվել է նաև Ոստիկանության Քանաքեռ-Զեյթունի բաժնի պետ Ավետիք Աբրահամյանը:
