ԵՐԵՎԱՆ, 23 ապրիլի — Sputnik. Հիմք ընդունելով «Դատական ակտերի հարկադիր կատարումն ապահովող ծառայության մասին» Հայաստանի Հանրապետության օրենքի 11-րդ հոդվածի 1-ին մասը` ՀՀ նախագահը հրամանագիր է ստորագրել Միհրան Պողոսյանին Հայաստանի Հանրապետության դատական ակտերի գլխավոր հարկադիր կատարողի պաշտոնից ազատելու մասին, հայտնել են նախագահի մամուլի ծառայությունից:
Նշենք, որ Միհրան Պողոսյանը հրաժարականի դիմում էր ներկայացրել` նկատի ունենալով այն, որ իր անունը հիշատակվում է պանամական օֆշորների մասին ԶԼՄ–ների հրապարակումներում։
Հայկական լրատվամիջոցների հրապարակումներում նշվում է, որ Հետաքննող լրագրողների միջազգային կոնսորցիումի (ICIJ) գաղտնազերծած ավելի քան 10 միլիոն փաստաթղթից հայտնի է դարձել, որ Միհրան Պողոսյանն ու նրա մերձավոր բարեկամները լայնորեն օգտվում են օֆշորային սխեմաներից։
