ԵՐԵՎԱՆ, 23 ապրիլի — Sputnik. Իրաքում Իսլամական պետության գործողությունները հիշեցնում են 20-րդ դարի սկզբի Հայոց ցեղասպանությունը, ասել է պրոֆեսոր, ԱՄՆ-ում Հոլոքոսթի թանգարանի ծրագրի համակարգող Սթիվեն Լյուքարթը Aurora Dialoguеs-ի քննարկումների ժամանակ:
«Իրաքում, որտեղ ԻՊ-ն իրագործում է եզդիների ցեղասպանություն, երկրի կառավարությունը, այլ ուժերը պարտավոր են պաշտպանել նրանց: Երբ ես տեսնում եմ, թե ինչ է տեղի ունենում Իրաքում, շատ նմանություններ եմ տեսնում նրա հետ, ինչ տեղի է ունեցել Օսմանյան կայսրությունում Հայոց ցեղասպանության ժամանակ»,- ասաց Լյուքերթը:
Նրա խոսքով՝ ԻՊ-ն, որն Իրաքում ոչնչացնում է ազգային փոքրամասնություններին, շատ բաներ է անում, որոնք իրագործվել են Օսմանյան կայսրությունում:
Ելույթների, քննարկումների և հարցուպատասխանի միջոցով Aurora Dialogues-ը նպատակ ունի սկիզբ դնել հանրային քննարկումների, որոնք կանդրադառնան անցյալից դասեր քաղելու, ներկայում գործելու և ավելի լավ ապագա ձևավորելու կարևորությանը։ Քննարկվում են մարդասիրական ոլորտի հիմնախնդիրների ներկա վիճակը, փախստականների համաշխարհային ճգնաժամը, մարդասիրության գործում կանանց դերը և հումանիտար ճգնաժամերի վրա աշխարհի ուշադրությունը հրավիրելու հարցում զանգվածային լրատվության հնարավորությունները։
