ԵՐԵՎԱՆ, 19 ապրիլի — Sputnik. ՌԴ ԱԳՆ պաշտոնական ներկայացուցիչ Մարիա Զախարովան կարծում է, որ այժմ դժվար կլինի Լեռնային Ղարաբաղի խաղաղ կարգավորման հասնելու համար ճիշտ մթնոլորտ ստեղծել:
«Իհարկե, նման բարդություններից հետո, նման ողբերգական դեպքերից հետո դժվար է դա անել, քանի որ ցանկացած սրացում, որի արդյունքում մարդիկ են զոհվում, աղավաղում է խաղաղ կարգավորմանը նպաստող մթնոլորտը: Հիմա խնդիր է ծառացել, ցավոք, այդ իրավիճակը, որը բարդացել է, նախկին դիրքերի բերել», — ասել է Զախարովան լրագրողների հետ հանդիպման ժամանակ:
Ընդ որում նա ընդգծել է, որ որոշումը պետք է կայացնեն հակամարտող կողմերը:
Ղարաբաղյան հակամարտության գոտում իրավիճակը սրվել էր ապրիլի 1-ի լույս 2-ի գիշերը։ Երևանը հաղորդել էր ադրբեջանական կողմի նախահարձակ գործողությունների մասին, Բաքուն էլ հայտարարել էր, թե իբր Հայաստանի ԶՈւ-ն է գնդակոծել ադրբեջանական տարածքը։ Հակամարտող կողմերը տասնյակ զոհեր ունեն։ Ապրիլի 5-ին պայմանավորվածություն է ձեռք բերվել ռազմական գործողությունները դադարեցնելու մասին, սակայն երկու կողմն էլ հայտարարում է, որ փոխադարձ պայմանավորվածությունը խախտվում է։ Ադրբեջանը կրակում է նաև Հայաստանի սահմանամերձ գյուղերի ուղղությամբ։
