Հայկական կոնյակը լավագույններից մեկն է աշխարհում։ Եվ դա բոլորովին էլ զարմանալի չէ, քանի որ Հայաստանի արևոտ կլիման ու կոնյակի պատրաստման ավանդույթները կատարյալ պայմաններ են ստեղծում այս թունդ և միաժամանակ արիստոկրատ խմիչքը ստանալու համար։
Երևանի կոնյակի գործարանի կոնյակի դեսպան Մարինա Բադալյանը Sputnik Արմենիային է ներկայացրել հայկական կոնյակի գաղտնիքները
Երևանի կոնյակի գործարանի թանգարանում ոչ միայն կոնյակով լցված պատմական շշեր են պահվում, այլև` տակառներ, որոնք դրվում են տարբեր երկրների նախագահների պատվին, և այդ տակառները համբերությամբ սպասում են այն օրվան, թե երբ են բացվելու։
