ԵՐԵՎԱՆ, 16 ապրիլի — Sputnik. Նախնական տվյալներով՝ նախօրեին ժամը 18:25-ի սահմաններում ՀՀ երկրորդ նախագահ Ռոբերտ Քոչարյանի առանձնատան ուղղությամբ ուսումնական նռնակ է նետվել ՝ բակի գլխավոր մուտքի ուղղությամբ: Այս մասին հայտնում է ՀՀ քննչական կոմիտեն:
Առերևույթ հանցագործություն կատարած անձը գտնվել է ավտոմեքենայի մեջ, այսինքն` նռնակը նետել է հենց մեքենայից միջից:
Կատարվել է դեպքի վայրի զննություն, հարցաքննվել են մի շարք վկաներ, ու այժմ ձեռնարկվում են անհետաձգելի օպերատիվ որոնողական ու քննչական գործողություններ այդ անձին հայտնաբերելու ուղղությամբ:
Դեպքի առթիվ հատկապես կարևոր գործերի քննության վարչությունում քրեական գործ է հարուցվել:
