ԵՐԵՎԱՆ, 14 ապրիլի — Sputnik. Արցախի Հանրապետության կառավարության կողմից բացված հատուկ հաշվեհամարին ապրիլի 4-13-ը 2,648 իրավաբանական և ֆիզիկական անձանց կողմից փոխանցվել է ընդհանուր առմամբ մոտ 2 միլիարդ 169 միլիոն դրամ գումար՝ ներառյալ դոլարով, եվրոյով և ռուբլիով փոխանցումները, հայտնում են ԼՂՀ կառավարությունից։
Իսկ միայն ապրիլի 13-ին փոխանցումները կազմել են մոտ 222 միլիոն դրամ՝ 507 անձանց կողմից:
«Հիշեցնենք, որ ողջ գումարն ուղղվելու է պաշտպանության բանակի մարտունակության հետագա ամրապնդմանը: Կառավարությունը, Արցախի ողջ բնակչության անունից, իր խորին շնորհակալությունն է հայտնում բոլոր նվիրատուներին՝ հավաստիացնելով, որ յուրաքանչյուր լումա էական նշանակություն է ունենալու Արցախի անվտանգության ապահովման գործում»,- ասված է հաղորդագրությունում:
Իսկ բանկային հաշվեհամարներին փոխանցումների համար նայել հետևյալ տվյալները՝
Սպասարկող բանկ` «Արցախբանկ» ՓԲԸ
Հասցե` Կիևյան փողոց 3, Երևան, Հայաստան
SWIFT` ARTSAM22
Ստացող` Լեռնային Ղարաբաղի Հանրապետության ֆինանսների նախարարություն
Հաշվի համարը` 22300612211100 (ՀՀ դրամ).
Հաշվի համարը` 22300110153200 (ԱՄՆ դոլար).
Հաշվի համարը` 22300200153300 (Եվրո).
Հաշվի համարը` 22300400153100 (ՌԴ ռուբլի):
Փոխանցումների հաշվետվությունը պարբերաբար թարմացվում է նաև ԼՂՀ ֆինանսների նախարարության կայքում.
