ԵՐԵՎԱՆ, 9 ապրիլի- Sputnik. Որոշակի փուլում Լեռնային Ղարաբաղը պետք է վերադառնա բանակցությունների սեղանի շուրջ, լրագրողներին Երևանում ասաց ԵԱՀԿ Մինսկի խմբի համանախագահ Իգոր Պոպովը:
«Մենք ելնում ենք նրանից, որ շրջանակային պայմանավորվածության կնքումը, որը նախորդում է անցմանը խաղաղության համաձայնագրի նախապատրաստմանը, կարող էր մեկնարկային կետ դառնալ»,- ասաց նա:
Պոպովը նշեց, որ ղարաբաղյան հակամարտության կողմերը պատրաստ են հակամարտության կարգավորման բանակցություններին կամ համենայն դեպս ցուցադրում են հրադադարը պահպանելու պատրաստակամություն, որը ձեռք է բերվել երեքշաբթի Մոսկվայում:
Նրա խոսքով՝ խաղաղությունը պահպանելու համար անհրաժեշտ է կողմերին նստեցնել բանակցությունների սեղանի շուրջ:
«Հիմնական խնդիրն է օգնել կողմերին կայունացնել իրավիճակը և ջանքեր գործադրել, որպեսզի ռազմական գործողությունները չկրկնվեն»,- հայտարարեց Պոպովը:
Պոպովը նշեց, որ իրենք կշարունակեն քննարկումները, հետո մեկ շաբաթ անց կրկին կհանդիպեն և հետո կվերադառնան տարածաշրջան:
Դրանով զբաղվում է ԿԽՄԿ-ն, դիտարկումներով և համակարգումով զբաղվում է ԵԱՀԿ գործող նախագահի անձնական ներկայացուցիչ Անջեյ Կասպրշիկը»,- ասաց դիվանագետը:
Դիվանագետը նաև հայտարարեց, որ միջնորդների մանդատի մեջ չի մտնում հետաքննությունը, թե «ով է սկսել և ով է պատասխանատու իրավիճակի սրման համար»:
