ԵՐԵՎԱՆ, 5 ապրիլի- Sputnik. ԵԱՀԿ Մինսկի խմբի համանախագահների օգնությունը ճգնաժամային իրավիճակից դուրս գալու ընթացքում փոխզիջման հասնելու գործում պահանջված է, բայց նման միջնորդության արդյունավետությունը կախված է հակամարտության կողմերից, կարծում է ԵԱՀԿ-ում ՌԴ մշտական ներկայացուցիչ Ալեքսանդր Լուկաշևիչը։
«Մենք համոզված ենք, որ փոխզիջումային որոշման առաջխաղացման գործում ՄԽ համանախագահների «եռյակի» օգնությունը պահանջված է, իսկ այդ միջնորդական ջանքերի արդյունավետությունն ամենից առաջ կախված է հակամարտության կողմից, նրանց մոտ քաղաքական կամքի առկայությունից, որն անհրաժեշտ է ղարաբաղյան հակամարտությունը կարգավորելու համար բանակցությունների սեղանի շուրջ»,- երեքշաբթի ասվում է ԵԱՀԿ մշտական խորհրդի հատուկ նիստում։
«Մենք այդ նպատակով օգտագործում ենք Հայաստանի և Ադրբեջանի հետ փոխազդեցության երկկողմ ուղիները»,- նշել է Լուկաշևիչը։
