ԵՐԵՎԱՆ, 5 ապրիլի- Sputnik. ԵԱՀԿ Մինսկի խումբը ղարաբաղա-ադրբեջանական շփման գծում երկկողմ հրադադարի մասին հաղորդագրություններից հետո հայտարարություն է տարածել։
«Մենք` ԵԱՀԿ Մինսկի խմբի համանախագահ երկրների ներկայացուցիչներս (Ռուսաստան, ԱՄՆ, Ֆրանսիա, Բելառուս, Ֆինլանդիա, Գերմանիա, Իտալիա, Շվեդիա, Թուրքիա), ինչպես նաև ԵԱՀԿ ավստրիացի նախագահը (2017թ.-ից) և ԵԱՀԿ սերբ նախագահը (2015թ.-ից), վճռականորեն դատապարտում ենք շփման գծի երկայնքով բռնության աննախադեպ պոռթկումը։ Մենք ցավակցություն ենք հայտնում տուժածների ընտանիքներին։ Այդ հակամարտությունը չի կարող ռազմական լուծում ունենալ»,- ասվում է հայտարարությունում։
Փաստաթղթի համաձայն` շփման գծում իրավիճակի վատացումը վկայում է համանախագահների հովանու ներքո անհապաղ բանակցային գործընթաց սկսելու անհրաժեշտության մասին։ Համանախագահները ողջունում են հակամարտության կողմերի հետ ուղիղ խորհրդակցությունների անցկացումը և հուսով են, որ հակամարտությունը շուտափույթ լուծում կստանա։
Ապրիլի 5-ին` տեղական ժամանակով ժամը 12։00-ին ղարաբաղյան հակամարտության շփման գծում երկու կողմերից կրակոցները դադարել են։
