ԵՐԵՎԱՆ, 5 ապրիլի- Sputnik. ԼՂՀ պաշտպանության բանակի պերատիվ իրազեկման կենտրոնում լրագրողների հետ հանդիպմանը ասաց ԼՂՀ Պաշտպանության բանակի օպերատիվ բաժնի պետ, գնդապետ Վիկտոր Առուստամյանը:
Խոսելով հակառակորդի կենդանի կորուստների մասին՝ ՊԲ ներկայացուցիչը նշեց, որ հայկական հետախուզությանը հաջողվել է ձեռք բերել հակառակորդի բարձրաստիճան սպաների կարևոր խոսակցության մի ձայնագրություն, որում հավաստվում է, որ ադրբեջանական կողմն ունի ավելի քան 2000 կորուստ (զոհեր և վիրավորներ):
ՊԲ օպերատիվ բաժնի պետի խոսքով, վերջին տվյալների համաձայն, այս օրերի ընթացքում թշնամու զինուժի կորցրած տանկերի թիվը հասել է 24-ի, ոչնչացվել է նաև 5 զրահատեխնիկայի այլ միջոցներ: Այս առումով հայկական կողմն, ըստ ՊԲ բարձրաստիճան սպայի, ունեցել է 14 կորուստ:
«Այս պահի դրությամբ թշնամու վերահսկողության տակ ՊԲ հենակետեր չկան»,- ասաց Վիկտոր Առուստամյանը:
