ԵՐԵՎԱՆ, 5 ապրիլի-Sputnik. Հայտնի է դարձել` ինչպես է խոցվել ադրբեջանական ուղղաթիռը։
Զինվորական հոսպիտալներից մեկում այս պահին ապաքինվում է ժամկետային զինծառայող Նարեկ Մալխասյանը, որի հերոսությունը հայտնի է դարձել բոլորին։ Նա պատմել է` ինչ իրավիճակում է հարված հասցրել։ Սա պատմության մեջ բացառիկ դեպք է, երբ ուղղաթիռը ոչնչացվել է նռնականետով։
Նարեկը պատմել է, որ տանկում է եղել, մեկ էլ 30-40 մ հեռավորության վրա տեսել է ադրբեջանական ուղղաթիռը։ Արագ կողմնորոշվել է, հանել է նռնականետն ու ուղղել դեպի նշանակետ։
Կրակոց, և ուղղաթիռն արագ վայրէջք է կատարել։ Զինվորներից մեկը` Արման Մալխասյանը, վնասվածքներ է ստացել, սակայն դրանից մարտունակությունը չի կորցրել։ Մեր թղթակցի հետ զրույցի ժամանակ հավաստիացրել է, որ մարտական է տրամադրված ու բարևներ է ուղարկել իր զինվոր ընկերներին։
