ԵՐԵՎԱՆ, 5 ապրիլի — Sputnik. ՌԴ և Ֆրանսիացի համանախագահներ Իգոր Պոպովը և Պիեռ Անդրիեն, չսպասելով Վիեննայում երեքշաբթի կայանալիք ԵԱՀԿ մշտական խորհրդի նիստին, մեկնում են ղարաբաղյան հակամարտության շրջան։ Նրանք մտադիր են այցելել Բաքու, Երևան և Ստեփանակերտ, հաղորդում է ՌԻԱ Նովոստին` հղում անելով կազմակերպությունում աղբյուրին։
«Ռուսաստանի դեսպանը, չսպասելով մշտական խորհրդին, մեկնում է տարածաշրջան, Ֆրանսիայի համանախագահը` նույնպես։
Մշտական խորհրդում «եռյակի» զեկույցը կընթերցի ԱՄՆ-ի դեսպանը»,- ասել է գործակալության զրուցակիցը` հավելելով, որ այնուհետև Ջեյմս Ուորլիքը կմիանա ՄԽ իր գործընկերներին։
Ինչպես ակնկալվում է, նրանք կհանդիպեն տարածաշրջանի երկրների ղեկավարության, կքննարկեն կրակի դադարեցման պայմանները և անցումը հակամարտության քաղաքական լուծմանը։
Ավելի վաղ տեղեկություն էր ստացվել, որ ԵԱՀԿ ՄԽ համանախագահները Երևան կժամանեն ապրիլի 9-ին։
Ապրիլի 5-ին` տեղական ժամանակով ժամը 12:00-ին ղարաբաղյան հակամարտության շփման գծի ողջ երկայնքով երկու կողմից դադարեց փոխհրաձգությունը։
