ԵՐԵՎԱՆ, 30 մարտի — Sputnik. «Ռոսիա սեգոդնյա» ՄԼԳ-ի գլխավոր տնօրեն Դմիտրի Կիսելյովը չկարողացավ հիշել, թե երբ է հիշատակել Լատվիան` մեկնաբանելով Sputnik Լատվիայի փակման պատճառների մասին հանրապետության ԱԳՆ ներկայացուցչի բացատրությունները։
Ավելի վաղ Sputnik Լատվիան պաշտոնական ծանուցում էր ստացել.lv դոմենային գոտում ռեսուրսը փակելու մասին` իբրև թե ԵՄ խորհրդի որոշումը խախտելու պատճառով, որը կապված է Ուկրաինայի անկախության և ինքնիշխանության, տարածքային ամբողջականության սպառնալիքի հետ։ Sputnik գործակալությունն իր հերթին հայտնում է, որ Լատվիայի և ԵՄ-ի գործող օրենսդրության որևէ կետ չի խախտվել։
Ավելի ուշ ԱԳՆ մամուլի քարտուղար Էդգարս Ռինկևիչս Մարտինշ Դրեգերիսը հայտնել էր, որ քանի որ «Ռոսիա սեգոդնյա» գործակալության ղեկավար Դմիտրի Կիսելյովը գտնվում է ԵՄ սև ցուցակում,.lv դոմենի առկայությունը նրա ղեկավարած գործակալության պորտալում պատժամիջոցների ռեժիմի խախտում է համարվում։
«Այս որոշումն անձամբ իմ նկատմամբ կիրառվող սահմանափակումներից դուրս է։ Լատվիայի իշխանության կողմից ԵՄ որոշման նման ազատ մեկնաբանությունը խուճապ է իրավական դաշտից դուրս։ Ինչ վերաբերում է անձամբ ինձ, ես պարզապես չեմ կարողանում հիշել, երբ եմ իմ մեկնաբանությունների մեջ հիշատակել Լատվիան», — հայտնել է Կիսելյովը Դամասկոսում ՌԻԱ Նովոստիին, որտեղ նա երեքշաբթի հարցազրույց է վերցրել Սիրիայի նախագահ Բաշար Ասադից։
Դմիտրի Կիսելյովը 2014 թվականի մարտի 21-ին ներառվել էր այն անձանց ցուցակում, որոնք ԵՄ-ի հավաստմամբ` սպառնալիք են ներկայացնում Ուկրաինայի տարածքային ամբողջականությանը, ինքնիշխանությանը և անկախությանը։
«ԵՄ խորհրդի Սահմանափակող միջոցների մասին որոշման պայմանները` կապված Ուկրաինայի անկախության և ինքնիշխանության, տարածքային ամբողջականության սպառնալիքի հետ, խախտելու համար առաջադրվող մեղադրանքները որակում ենք որպես անհիմն ու քաղաքական առումով մոտիվացված», — ասված է ԱԳՆ մեկնաբանության մեջ։
Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։
