ԵՐԵՎԱՆ, 30 մարտի — Sputnik. Լատվիայի իշխանության կողմից.lv դոմենային գոտում ռեսուրսը փակելու վերաբերյալ հայտարարության հետ կապված` Sputnik տեղեկատվական գործակալությունը և ռադիոն Sputnik Լատվիա լրատվական ռեսուրսը ռուսերեն և լատիշերեն լեզուներով գործարկել է.com դոմենային գոտում։
Sputnik-ի պրոֆեսիոնալ լրագրողական և խմբագրական թիմը շարունակում է ընթերցողներին պատմել միջազգային և տեղական իրադարձություններն ու արդիական թեմաների վերաբերյալ տարբեր կարծիքներ ներկայացնել։ Բացի այդ` Լատվիայի բոլոր ընթերցողներին հասանելի է լատիշերեն և ռուսերեն լեզուներով Sputnik-ի բջջային հավելվածը iOS և Android համակարգերով։
Հիշեցնենք, որ Sputnik Լատվիան մարտի 29-ին պաշտոնական ծանուցում էր ստացել ռեսուրսի փակման մասին.lv դոմենային գոտում։ Դոմենը գրանցողի պաշտոնական նամակի համաձայն, որը հղում է անում Լատվիայի ԱԳՆ հարցմանը, «sputniknews.lv դոմենի գրանցումը խախտում է ԵՄ խորհրդի Սահմանափակող միջոցների մասին որոշման պայմանները` կապված Ուկրաինայի անկախության և ինքնիշխանության, տարածքային ամբողջականության սպառնալիքի հետ»։
Sputnik գործակալության ներկայացուցիչները ռեսուրսը փակելուց հետո ընդգծել են, որ Sputnik-ը լատիշերենով աշխատում էր երկրի գործող օրենսդրության համաձայն, որը երկրի տարածքում չի պահանջում պարտադիր գրանցում առցանց ԶԼՄ-ի գործունեության համար։ Այդպիսով` Sputnik-ը չի խախտել գործող օրենսդրության որևէ կետ։
Sputnik-ը (sputniknews.com) լրատվական գործակալություն է և ռադիո` տասնյակ երկրներում մուլտիմեդիոն տեղեկատվական ներկայացուցչություններով: Sputnik-ը ներառում է ավելի քան 30 լեզվով կայքեր, անալոգային և թվային ռադիոհեռարձակում, բջջային հավելվածներ և էջեր սոցիալական կայքերում։ Sputnik-ի լուրերը շուրջօրյա ռեժիմով թողարկվում են անգլերեն, արաբերեն, իսպաներեն և չինարեն լեզուներով:
