ԵՐԵՎԱՆ, 15 մարտի — Sputnik. Մոսկվայում ընթացող շախմատի հավակնորդների մրցաշարի չորրորդ տուրում Հայաստանի հավաքականի առաջատար Լևոն Արոնյանը սևերով ոչ-ոքի խաղաց ռուսաստանցի Պետեր Սվիդլերի հետ: Պարտիան ավարտվեց 41-րդ քայլում:
Այս տուրից հետո Արոնյանը վաստակել է 2.5 միավոր և գլխավորում է մրցաշարային աղյուսակը:
Չորրորդ տուրում ամերիկացի Հիկարու Նակամուրան կիսեց միավորը հոլանդացի Անիշ Գիրիի հետ, իսկ Ֆաբիանո Կարուանա (ԱՄՆ) — Վեսելին Տոպալով (Բուլղարիա) ու Սերգեյ Կարյակին (Ռուսաստան) — Վիշվանաթան Անանդ (Հնդկաստան) պարտիաները դեռ չեն ավարտվել:
Նշենք, որ 5-րդ տուրում Արոնյանը սպիտակներով կմրցի ամերիկացի Ֆաբիանո Կարուանայի հետ:
