ԵՐԵՎԱՆ, 13 մարտի- Sputnik. Մարիա Շարապովայի Sugarpova ապրանքանիշով շոկոլադե կոնֆետները վաճառքի կհանվեն մայիսին՝ չնայած նրա մասնակցությամբ դոպինգային սկանդալին, հաղորդում է ՌԻԱ Նովոստին՝ հղում անելով Baron Chocolatier ընկերության փոխնախագահ Քրիստոֆեր Մատինին:
«Մարիան օրինակելի է միլիոնավոր մարդկանց համար, և նա ազնիվ մարդ է: Մենք կարծում ենք, որ նա չգիտակցված սխալ է թույլ տվել և գովեստի է արժանի նրա համար, որ բացահայտ այդ մասին ասել է: Հուսով ենք, որ նա կրկին թենիս խաղալու հնարավորություն կստանա, բայց անկախ այդ ամենից,մենք հպարտությամբ կաջակցենք նրան»,- ընդգծել է Մատինան:
Շարապովայի և Baron Chocolatier ընկերության միջև գործընկերության համաձայնություն կնքելու մասին հայտարարվել էր փետրվարի 1-ին:
Մելդոնիումը հունվարի 1-ից մտել է S4 կարգի արգելված նյութերի մեջ՝ «հորմոններ և նյութափոխանակության մոդուլյատորներ» կարգում: Շարապովան պատմել է, որ դեղամիջոցն ընդունել է բուժման նպատակով 2006թ.-ից` մագնեզիումի պակասի պատճառով:
