ԵՐԵՎԱՆ, 15 փետրվարի — Sputnik. Փետրվարի 15-ի ժամը 10.00-ի դրությամբ ՀՀ տարածքում ավտոճանապարհներն անցանելի են, հայտնեց ՀՀ տարածքային կառավարման և արտակարգ իրավիճակների նախարարությունը:
Վրաստանի ՆԳՆ ԱԻ դեպարտամենտից ստացված տեղեկատվության համաձայն` Ստեփանծմինդա-Լարս ավտոճանապարհը ևս բաց է բոլոր տեսակի տրանսպորտային միջոցների համար:
Փետրվարի 15-19-ը Հայաստանում սպասվում է առանց տեղումների եղանակ: Քամին կլինի հարավ-արևմտյան` 2-7 մ/վրկ արագությամբ:
Օդի ջերմաստիճանն աստիճանաբար կբարձրանա 3-5 աստիճանով:
Երևանում նույն ժամանակահատվածում սպասվում է առանց տեղումների եղանակ: Այսօր ցերեկը մայրաքաղաքում կլինի 7-9 աստիճան տաքություն։
