Անի Լիպարիտյան, Sputnik Արմենիա
Ամեն ինչ սկսվեց նրանից, որ հասարակ վարորդ Լևոն պապի կինը՝ Տոսյան, խնդրեց ամուսնուն հոր փորել կարտոֆիլի համար: Նա՝ որպես իսկական տղամարդ, երկար ժամանակ դիմադրեց, բայց հետո սկսեց փորել: Նա այդպես էլ հոր չփորեց, բայց կառուցեց 21 մետր խորությամբ ստորգետնյա տաճար:
Ներգնա զբոսաշրջության փորձագետ, զբոսավար, լեռնագնաց Աշոտ Լևոնյանը Sputnik Արմենիայի թղթակիցներին պատմեց, որ գետնափորի խորությունը հավասար է յոթհարկանի շենքի բարձրությանը:
«Նա փորել է 23 տարի՝ սկսած 1985թ.-ից և ամբողջությամբ նվիրվել է այդ գործին, քնել է օրական միայն 3-4 ժամ: Ոչ ոք չգիտեր և չէր հասկանում, թե ինչու է դա անում, այդ թվում՝ նրա կինը»,- նշեց Լևոնյանը:
Երբ Լևոնը սկսեց շինարարական աշխատանքները, հիշեց մի հետաքրքիր դրվագ իր կյանքից. երբ նա գնացել էր լճի մոտ ջուր խմելու, տեսիլք էր ունեցել` ճերմակ հագուստով կինն ասել էր նրան. «Դու այնպիսի բան կստեղծես, որը կմնա դարեր»:
Ստորգետնյա «քաղաքում» կա նաև գինետուն, որտեղ Լևոնը երազում էր գինի խմել ընկերների հետ: Խորհրդանշական է, որ վերջին, ամենամեծ ու խորը սրահը յոթերորդն է: Խորհրդանշական թիվ:
