ԵՐԵՎԱՆ, 9 փետրվարի- Sputnik. Երևանի պետական համալսարանը բարելավել է իր դիրքերը համացանցում ներկայացվածության վարկանիշում 2015թ.-ի համեմատ` 2510-րդ տեղից բարձրանալով 2314-րդ տեղը, հաղորդվում է Webometrics-ի կայքում։
Լավագույն հայկական բուհերի ցանկում ԵՊՀ-ից բացի ներառվել են Հայաստանի ամերիկյան համալսարանը, որը զբաղեցրել է 3887-րդ տեղը, Ռուս-հայկական (Սլավոնական) համալսարանը` 5355, Երևանի պետական բժշկական համալսարանը` 9233, Հայկական պետական մանկավարժական համալսարանը` 9864, Երևանի պետական լեզվահասարակագիտական համալսարանը` 10104, Հայաստանի ագրարային համալսարանը` 10606, Հայաստանի պետական տնտեսագիտական համալսարանը` 11199, Երևանի գեղարվեստի պետական ակադեմիան`11608, Հայաստանի ֆրանսիական համալսարանը` 13327։
Webometrics-ի վարկանիշը հրապարակվում է տարեկան երկու անգամ` սկսած 2004թ.-ից։ Ցուցակում գնահատվում են տարբեր երկրների շուրջ 24 հազար համալսարաններ։ Վարկանիշը կազմել է իսպանական Cybermetrics Lab հետազոտական խումբը, որը գտնվում է Մադրիդում։
