Հալեպի հյուսիսային արվարձաններում կյանքը սկսվում է կարգավորվել, կառավարական զորքերն արվարձաններն ազատել են «Ջեբհաթ ան-Նուսրա» խմբավորման գրոհայիններից։ Տեսանյութում դիտեք, թե ինչպես են Նուբել քաղաքում դիմավորել սիրիական բանակի զինվորներին։
Հալեպի հյուսիսում գտնվող քաղաքի բնակիչները «Ջեբհաթ ան-Նուստրա» խմբավորման գրոհայինների 4 տարվա պաշարումից հետո ընտելանում են խաղաղ կյանքին։
«Պաշարման ժամանակ մենք անհրաժեշտ քանակությամբ սնունդ ու ջուր չունեինք։ Զրկված էինք էլեկտրականությունից ու գազից։ Այսպես էր ամեն ինչ։ Զինվորների մուտքը մեզ համար փրկություն էր», — պատմել է Նուբել քաղաքի բնակիչը։
Ավելի վաղ սիրիական զինվորները փակել էին ահաբեկիչների բոլոր հիմնական ճանապարհները։ Զորքը Նուբել ու Ազ-Զախրա քաղաքները կարողացավ շրջափակումից դուրս բերել աշխարհազորայինների և ռուսական ուժերի օգնությամբ։ Այս քաղաքներում պաշարման մեջ էր գտնվում շուրջ 70 հազար բնակիչ։
Սիրիայում 2011թ.-ի մարտից շարունակվում է զինված հակամարտությունը, որի հետևանքով, ըստ ՄԱԿ-ի տվյալների, մահացել է ավելի քան 220 հազար մարդ։ Կառավարական զորքերին դիմակայում են գրոհայինների ջոկատները, որոնք պատկանում են տարբեր զինված խմբավորումների։ Առավել ակտիվ են «Իսլամական պետություն» և «Ջեբհաթ ան Նուսրա» ծայրահեղական խմբավորումները։
