ԵՐԵՎԱՆ, 5 փետրվարի — Sputnik. ԵՏՄ-ին Հայաստանի անդամակցությունն արդեն իսկ ենթադրում է արտոնյալ պայմաններ հայ աշխատանքային միգրանտների համար ոչ միայն Ռուսաստանում, այլ նաև Եվրասիական միության անդամ մնացած բոլոր երկրներում, ասել է Հայաստանում ՌԴ արտակարգ և լիազոր դեսպան Իվան Վոլինկինը Analitik.am-ին տված հարցազրույցում:
Վոլինկինը նշել է, որ, անշուշտ, ԵՏՄ-ն խթան դարձավ ԵՏՄ անդամ երկրների միջև հարաբերությունների կառուցման և կապերի ընդարձակման համար: Եվրասիական միության անդամ պետությունների ներկայացուցիչները ԵՏՀ-ի շրջանակներում սկսեցին պարբերաբար շփվել:
Նա նշեց նաև, որ փետրվարի 1-ից ԵՏՄ տնտեսական հանձնաժողովի խորհրդի նախագահ դարձավ Հայաստանի ներկայացուցիչ Տիգրան Սարգսյանը, ինչը մեծ հնարավորություններ կտա Հայաստանին այս ինտեգրացիոն միության շրջանակներում համագործակցության ամրապնդման հարցում նախաձեռնողականություն ցուցաբերելու համար:
