ԵՐԵՎԱՆ, 29 հունվարի- Sputnik. Նախորդ օրվա համեմատ`հանրապետության տարածքում օդի ջերմաստիճանը միջինը բարձրացել է 5-10 աստիճանով։ Այդ մասին Sputnik Արմենիային հաղորդեց ՏԿԱԻՆ Հիդրոմետ ծառայության օդերևութաբանության կենտրոնի պետի տեղակալ Գագիկ Սուրենյանը։
«Այս տարվա հունվարն աչքի է ընկել ջերմաստիճանի կտրուկ տատանումներով, որը զգալիորեն ցածր էր կամ զգալիորեն բարձր, բայց միաժամանակ իշխել են տաք հոսանքները։ Ցուրտ են եղել միայն հունվարի 5 օրերը»,- ասաց Սուրենյանը։
Օդերևութաբանը հավելեց, որ ջերմաստիճանը հատկապես կբարձրանա Լոռիում, Տավուշում և Սյունիքում։
Հունվարի 29-31-ին, փետրվարի 1-2-ին Հայաստանում սպասվում է առանց տեղումների եղանակ: Քամին կլինի հյուսիս-արևմտյան‵ 5-10 մ/վրկ արագությամբ:
Երևանում հունվարի 28-31-ին, փետրվարի 1-2-ին սպասվում է առանց տեղումների եղանակ:
