ԵՐԵՎԱՆ, 25 հունվարի- Sputnik. ԱՄՆ-ում ձյան առատ տեղումների պատճառով մահացած անձանց թիվը հասել է 28-ի, հայտնել է Associated Press գործակալությունը: Ավելի վաղ տեղեկացվել էր, որ 25 մարդ է մահացել:
Դելավեր նահանգում ձյունը մաքրելուց մեկ ժամ անց սեփական տան մոտ սրտի կաթվածից ոստիկանության սպա է մահացել:
Հարավային Կարոլինայում շմոլ գազի թունավորումից տարեց զույգ է մահացել: Ոստիկանության տեղեկատվության համաձայն` ձյան պատճառով նրանց տոնը հոսանքազրկվել է, ազգականը նրանց ավտոտնակում գեներատոր է տեղադրել և բաց թողել դարպասը: Ավելի ուշ դարպասն անհայտ հանգամանքներում փակվել է, և շմոլ գազը լցվել է տուն:
Վաշինգտոնում դադարեցվել է տրանսպորտային հաղորդակցությունը, իսկ Նյու Յորքում արգելել են ավտոմեքենաները դուրս բերել փողոց: ԱՄՆ-ի մայրաքաղաքի, Նյու Ջերսիի և Նյու Յորքի իշխանությունները բնակիչներին հորդորել են փողոց դուրս չգալ:
ԶԼՄ-ների հաղորդագրությունների համաձայն` որոշ շրջաններում ձյան շերտը հասել է 70 սմ-ի, 200 հազար տուն մնացել է առանց էլեկտրականության:
