ԵՐԵՎԱՆ, 16 հունվարի- Sputnik. Երևանի Կենտրոն և Նորք Մարաշ շրջանների դատարանը բավարարել է «Հայրենիք և պատիվ» ընդդիմադիր կուսակցության նախագահ Գառնիկ Մարգարյանին կալանավորելու միջնորդությունը, ում կասկածում են զինված հանցախմբի գործունեությանը մասնակցություն ունենալու մեջ:
Ազգային անվտանգության ծառայությունը ծանր հանցագործություններ կազմակերպելու մեջ կասկածվող խմբին վնասազերծել էր Երևանում նոյեմբերի 25-ին: Հանցախումբը գլխավորել է Հայաստանի քաղաքացի Արթուր Վարդանյանը, ով երկար ժամանակ ապրել է արտասահմանում:
Գառնիկ Մարգարյանի փաստաբանը՝ Հովիկ Արսենյանը, շաբաթ օրը լրագրողներին հաղորդել է, որ կասկածյալը չի ընդունել մեղքը: Բացի այդ, դատարանը մերժել է փաստաբանի միջնորդությունը` Մարգարյանին գրավի դիմաց ազատ արձակելու մասին:
Ավելի վաղ ԱԱԾ քննչական վարչության պետի տեղակալ Միքայել Համբարձումյանը հայտարարել էր լրագրողներին, որ հանցախումբը Երևանում ծրագրել էր առանձին քաղաքացիների, քաղաքական ու հասարակական գործիչների, իշխանության առանձին ճյուղերի և մարմինների դեմ գործողություններ:
Գործի շրջանակում կալանավորվել է շուրջ 30 մարդ, այդ թվում` պաշտպանության նախկին փոխնախարար Վահան Շիրխանյանը:
